21.卑劣街頭 (第3/6页)

慈弟順。

    東星近五萬成員，大底車載斗量，惟陳天雄獨具一股信馬由繮的「真」，當得打經得熬，尤為他器重合意。

    養兵用兵，於道於情，是時候拉天窗說亮話。

    Piramides雪茄在顎中逗留數秒噴吐而出，揉煉成同樣萬分溫醇的語調：「而家錢就搵夠喇，不過喺有生之年，我淨係想東星個朵夠獎夠響。對上嗰幾屆花炮都得個吉，呢一屆阻唔到同行參加，咁只有加埋一份啦。」

    「85年洪義社買起我，係你出手攪掂咗嗰兩條仆街；喺阿姆斯特丹嗰陣你硬撼和利群搶到White   Death，幫我搭到龍鴻笙嘅黑龍社...阿大都記晒喺心入面。」

    蒼勁略枯瘦的手勾拍烏鴉肩頭：「我老啦，龍頭呢個位坐唔得幾年，有乜大件事要你哋呢D後生仔頂上嘅?」

    陳天雄十指交叉撥唇托頦，片時緘默。

    難怪老頂特意支走幾乎寸步不離身的古惑倫，他雖無明昭，話外弦音已毋庸贅釋。

    崛起、上位、大一統，每個古惑仔趨之若鶩的終極目標。但泱泱幫眾，拿得住的是人手，堵不住的是人口，誰都不服不願五道財水話事權入了一家掌中井，今番駱駝關上門不藏一兵一卒坦蕩表態，固然是為丁財兩旺糖衣裹炮，亦是從港島平地步步築梯鋪路到大霧峰，撐他登第攀極。

    光綫將皮手鐲上的水鑽眩曜折射進雙目，瞬閃狙刺直至心窩輕顫，右眼皮莫名一陣激跳。

    「得啦，老頂嘅事就係大圍事，呢單野畀D時間我。」

    終於鬆口應承，駱駝臉部曲折溝壑似活了般舒放：「攞到丁財，我壽臣山道棟樓，等你同小拳王結婚...」

    八字沒撇，駱駝先迫切許諾附加大禮，烏鴉嗤笑出聲：「喫~你講到去邊啊，搶到再講。」

    「哈哈哈，到時你唔搞翻百零圍天九翅，我鬧你成世啊。」

    「哎吔，你自己個寶貝細女嫁人又唔見你理咁多?」

    手提電話震響打破憧憬醞釀，他行近窗前接起，傳來龍睿的問候，混雜隆隆的聒躁背景音。

    「點吖阿Ray？」

    「無呀，上次我話嗰D好嘢啱啱嚟到葵涌貨櫃，你自己嚟拎定叫人嚟攞走？」

    「咁我晏D去搵你。」

    「喂，天雄哥，你嗰日同Raven翻到去係咪砌得...太勁啊？搞到個女仔兩日都唔嚟翻工，連假都無請?」

    「咩話？兩日無翻你而家先話我知？」

    「唔知佢乜環境囉，撥輪又打唔通，我呢度仲有成大堆嘢等住佢做。」

    烏鴉得知失聯消息，無端腦髓涼了半截。

    「...係咁先，陣間再call你。」

    他匆忙掛斷，查看電話無任何新簡訊，緊跟打給阿羽，果然只有機械空泛的忙頻。

    ○○○○○○

    九龍啟德濱，在行將被赤鱲角機場取代的餘下歲月裏，鐵皮遊隼依舊駕梭過鋼筋混凝的屋宇群樓，揚翼升航，開襟着陸，永動無休歇。即使告別九龍灣，格仔山，也要唱響日落西斜的最後挽歌。

    建造於機場鄰近隔離的東南中學，大批學生仔趁課間活動積聚樓頂，觀賞飛機起降，吸煙爆粗毫不收斂，延續罪惡沒有途窮。

    混亂校風恰似教學樓上的生鏽招牌劣跡斑斑，與九反屯門難分伯仲，徙置區學生加入黑社會不以為奇，89年臭名昭著的「廣聯盛」成員「瀟灑」，殘害本校少女，被警察追至教室就地刀斬槍殺，駭人聽聞。

    紅月夜下腸穿肚爛，腥佞污血灌溉學府泥壤，暗綻惡魔之花。

    校址揀選夠缺德夠陰騭，衙前圍與南角道妓社架步連幢接棟，舞廳波樓三教九流，由得阿Sir犁庭掃xue風火冚檔，繼而捲土重生。

    界限模糊的淵沼內樹立神聖碑闕，做不到淨化糟粕，最終落得水多金沉，珠碎坑渠。

    中學後門街巷，放課學生三兩扎堆混跡暹羅社群，暗中接過古惑人士手裏「Fing丸」「五仔」「Happy粉」蛇鼠交易，淪為養雀仔的爛頭蟀。

    三位女生姿姿柔柔悠行，白裙白襪白飯魚，清純包裹墮落，花期未盈已爬滿腐蝨。

    面容姣好的為首者Kent細煙不離手，享受學宮「晚輩」點頭哈腰招呼，甩一甩秀髮故作犀利迷離狀，墳場發電機款的秋波無的放矢，虛榮飛女本色，總幻想被星探蹲到分秒竄紅——根本是姑爺仔們的至愛。

    「Bo